Гоо сайхны иллэгийн төхөөрөмж

Төхөөрөмж нь үрчлээний эсрэг үйлчилгээ үзүүлэхээс гадна арьсны цэвэрлэгээ болон арьс арчилгааны бүтээгдэхүүний (тухайлбал, нөсөө толбо арилгах, коллагений нийлэгжүүлэлтийг дэмжих, арьсны эд эсийг нөхөн төлжүүлэх, сэргээх зэрэг) үйлчилгээг нэмэгдүүлэх, мөн арьсыг тайвшруулахад зориулагдсан эрчимт импульсийн 7 өнгийн лэд гэрэл, 3 төрлийн цэвэрлэгээ, арчилгааны горимыг хослуулан нүүр, хүзүүний арьс арчилгааны цогц үйлчилгээг үзүүлэх боломжийг бүрдүүлсэн.

CLEAN буюу цэвэрлэгээний горим нь арьсны нүхийг цэвэрлэж, таны нүүрний арьсыг цэвэрхэн, гэрэлтсэн болгохоос гадна хамгийн бага түвшний чичиргээ болон ногоон, нил ягаан, цагаан гэрлүүдийн тусламжтайгаар дараах тухайлсан үйлчилгээг үзүүлнэ:

• НОГООН гэрэл (525нанометр) хөгшрөлтийн эсрэг үйлчилгээ үзүүлж, коллагений нийлэгжүүлэлтийг дэмжинэ;
• НИЛ ЯГААН гэрэл нь (390нм) тунгалгийн урсацыг дэмжинэ;
• ЦАГААН гэрэл нь (холимог) арьсыг тайвшруулна, нөхөн төлжүүлнэ, арьсны эд эсийг сэргээнэ.

Иймд НОГООН гэрэл ашиглахдаа Зөөлөн брэндийн арьс цэвэрлэгээний бүтээгдэхүүнүүд болох “Тосон цэвэрлэгч” болон “Сүүн цэвэрлэгч” зэрэг бүтээгдэхүүнүүдтэй, харин НИЛ ЯГААН, ЦАГААН гэрэл ашиглахдаа Зөөлөн брэндийн “Чацарганатай шөнийн тэжээлийн тос” болон цэцэгсийн Booming Blooms багцын Soothing night шөнийн ийлдэстэй хослуулан хэрэглэхийг зөвлөж байна. Хослуулан хэрэглэснээр бүтээгдэхүүний болон төхөөрөмжийн үйлчилгээг илүү сайжруулах боломжтой.

EMS буюу булчингийн цахилгаан өдөөлтийн горим нь арьсыг тань амрааж, арьс арчилгааны бүтээгдэхүүнийг илүү сайн шингээж өгөхөөс гадна дунд зэргийн чичиргээ болон улаан, шар гэрлүүдийн тусламжтайгаар дараах тухайлсан үйлчилгээг үзүүлнэ:

• УЛААН гэрэл (630нм) хялгасан болон гүн үрчлээг арилгана;
• ШАР гэрэл нь (590нм) нөсөө, толбо үүсэхээс сэргийлнэ, багасгана.

Иймд улаан, шар гэрлүүдийг ашиглахдаа Зөөлөн брэндийн “Чацарганатай шөнийн тэжээлийн тос” болон цэцэгсийн Booming Blooms багцын Soothing night шөнийн ийлдэстэй хослуулан хэрэглэхийг зөвлөж байна. Хослуулан хэрэглэснээр бүтээгдэхүүний болон төхөөрөмжийн үйлчилгээг илүү сайжруулах боломжтой.

HOT буюу халалтын горим нь унжсан арьсыг чангалж, арьсыг залуужуулах үйлчилгээ үзүүлэхээс гадна хамгийн их чичиргээ болон цэнхэр, хөх гэрлүүдийн тусламжтайгаар дараах тухайлсан үйлчилгээг үзүүлнэ. Төхөөрөмжийг өдөр болгон хэрэглэх боломжтой ч халалтын горимыг долоо хоногт 2-3 удаа буюу өнжөөд хэрэглэхийг зөвлөж байна.

• ЦЭНХЭР гэрэл (415нм) үрэвссэн болон мэдрэмтгий арьсыг тайвшруулна;
• ХӨХ гэрэл (490нм) хялгасан судас хавдах, арьсны таталтыг багасгана.

Иймд цэнхэр, хөх гэрлүүдийг ашиглахдаа Зөөлөн брэндийн “Үрэвслийн эсрэг эмчилгээний тос”, бусад багцын шөнийн тоснуудтай хослуулан хэрэглэхийг зөвлөж байна. Хослуулан хэрэглэснээр бүтээгдэхүүний болон төхөөрөмжийн үйлчилгээг илүү сайжруулна.

Зөвлөмж: Иллэг хийх чиглэл:

1. Эрүүнээс хацар руу
2. Хацарнаас нүдний гадна тал руу
3. Хүзүүнээс эрүү рүү
4. Духыг доороос дээшээ

Ашиглах заавар:

1. Нүүрээ угааж цэвэрлэсний дараа арьс цэвэрлэгээ эсвэл арчилгааны бүтээгдэхүүнээ түрхэнэ.
2. Асаах товчлуурыг 2 секунд дарж төхөөрөмжийг асаана.
3. Төхөөрөмж ассаны дараа тухайн товчлуур дээр дарж өөрт хэрэгтэй үйлчилгээн дээр тохируулна.
4. Төхөөрөмжийг нүүрэндээ хүргэн иллэгийг нүүрний доод хэсгээс дээшээ чиглэлтэйгээр хийнэ. Төхөөрөмжийн толгойг арьсанд хүргэхэд чичиргээ эхлэнэ.
5. Унтраах товчлуурыг 2 секунд дарж төхөөрөмжийг унтраана. Төхөөрөмж ажиллахгүй 1 минут болмогц өөрөө автоматаар унтарна.
6. Төхөөрөмжийг хэрэглэсний дараа төхөөрөмжийн толгойг цэвэр алчуур, цаасан салфеткаар арчиж цэвэрлэнэ.

Горим бүрийг өдөрт нэг удаа, нэг дор гурван горимыг дараалан хэрэглэхийг зөвлөнө.

Аюулгүй ажиллагаа:

1. Нүүрний пластик мэс засал хийлгэсэн, метал суулгацтай, харшлын тууралт болон идээт үрэвсэл, ил шархтай, жирэмсэн болон сарын тэмдэг ирсэн үед төхөөрөмжийг ашиглахгүй байхыг зөвлөнө.
2. Цэнэглэж байх хугацаанд төхөөрөмжийг ашиглахыг хориглоно.
3. Богино холбоо үүсэх магадлалтай ариун цэврийн өрөө болон бусад чийгтэй газар төхөөрөмжийг хадгалахыг хориглоно.
4. Зэврэлт үүсгэх, бүтээгдэхүүний өнгө өөрчлөх эрсдэлтэй (архи, гадилын тос, бензин, хумсны лак арилгагч ацетон г.м) бодисоор төхөөрөмж болон түүний эд ангийг арчихгүй байхыг зөвлөнө.